Nordic Natura býður upp á þrjú glæsileg 25 m2 stúdíóhús, innréttuð á hlýlegan og heimilislegan máta. Húsin eru byggð til að hýsa tvo fullorðna og tvö börn. Þægilegur tveggja sæta svefnsófi er í rýminu ef börn eru með í för (140×200).

Í hverju húsi er sérbaðherbergi með sturtu. Í alrýminu er eldhúsinnrétting með öllum nauðsynlegum áhöldum, ísskáp, helluborði,uppþvottavél og örbylgjuofni ásamt litlu eldhúsborði og stólum.

Í einu húsanna er hjónarúm 160×200 cm en í öðrum húsum eru tvö 90×200 cm rúm.

Við hvert hús er góður 25 m2 sólpallur með húsgögnum og gasgrilli.

Í sátt við náttúruna. Við leggjum áherslu á náttúrulegar lausnir.
Öll sængur- og koddaver ásamt handklæðum eru úr 100% Fair traid lífrænni bómull.
Lífræn, náttúruleg sturtusápa og uppþvottalögur ásamt heimagerðri Sælusápu úr sveitinni (saelusapur.is) eru í húsunum til afnota fyrir gesti. Þegar húsin eru þrifin er eingöngu notast við náttúrulegar sápur.

Húsin standa við nyrðsta barm ásbyrgisveggjana vestan við eyjuna í Ásbyrgi. Þaðan er stórkostlegt útsýni til allra átta.  Hvort sem þú ætlar þér að njóta miðnætursólarinnar, norðurljósanna, útivistar, kyrrðar eða náttúru, þá ertu á réttum stað.

Ókeypis er fyrir börn 12 ára og yngri í fylgd með fullorðnum.  Fyrir börn 13-17 ára er gjaldið 2.500 á barn per dvöl. Hægt er að leigja ungbarna-ferðarúm  á 2.500 krónur per dvöl (uppsetning og lín innifalið).

Nordic Natura er fullkomin staðsetning fyrir dagsferðir og úr mörgu er að velja. Mikið úrval ferðatækifæra og upplifuna út frá öllum áttum gististaðarins.

Mikið úrval af gönguleiðum er á svæðinu, bæði styttri og lengri. Vinsamlegast spyrjið starfsfólk okkar eða heimsækið Gljúfrastofu (gestastofa þjóðgarðsins í Ásbyrgi) fyrir frekari upplýsingar og/eða kort.